04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ուզում եմ դառնալ սպա․ կուրսանտների առօրյան Ռազմական ակադեմիայում․ ՏԵՍԱՆՅՈՒԹ
01.01.2025 | 15:00
Կուրսանտներ Վահագնի և Իգորի ակադեմիական առօրյան զինվորական կյանքից գրեթե ոչնչով չի տարբերվում։ Վազգեն Սարգսյանի անվան ռազմական ակադեմիայի երրորդ կուրսի սաների օրը սկսվում է «Վե՛ր կաց» ազդանշանով, որին հաջորդում են մարզումները, դասերն և պարապմունքները։
Վահագնի ճանապարհը դեպի ռազմական համալսարան սկսվել է զինվորական ծառայությունից հետո։ 2 տարվա պարտադիր ծառայությունն ավարտելուն պես որոշել է հմտանալ մոտոհրաձգության մեջ և համալրել Զինված ուժերի սպայակազմի շարքերը։
Իգորը ևս մոտոհրաձգի մասնագիտությունն է ընտրել։ Զինվորական մասնագիտության ընտրության հարցում էլ մեծ է եղել ընտանիքի դերը։
Ակադեմիայում կուրսանտները, բացի տեսական գիտելիքներ ստանալուց, հնարավորություն ունեն իրենց հմտությունները կատարելագործել տարբեր վարժանքների ու մարտավարական պարապմունքների միջոցով։ Այստեղ ինչպես կուրսանտների, այնպես էլ զինծառայողների համար կազմակերպում են օտար լեզվի դասընթացներ։
Այս օրերին մթնոլորտը տոնական է նաև Ակադեմիայում։
Մանրամասները՝ տեսանյութում։
Անի Թամրազյան
