13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Վլադիկավկազի օդանավակայանը փակվել է ռուսական շրջանների վրա ուկրաինական ԱԹՍ-ների հարձակման պատճառով
Քաղաքականություն
31.12.2024 | 15:17
Վլադիկավկազի օդանավակայանը ժամանակավորապես դադարեցրել է թռիչքները՝ Հյուսիսային Կովկասի դաշնային օկրուգի շրջաններում անօդաչու թռչող սարքի հարվածի վտանգի մասին հայտարարության պատճառով։ Այդ մասին իր Telegram ալիքում հայտնել է տարածաշրջանի ղեկավար Սերգեյ Մենյայլոն։
Նրա խոսքով՝ դեկտեմբերի 31-ի առավոտյան հակաօդային պաշտպանության համակարգերը ԱԹՍ են ոչնչացրել Վլադիկավկազի մերձակայքում գտնվող Շալխի պոլիգոնի օդային տարածքում։ Միջադեպի հետևանքով զոհեր և վիրավորներ չկան։ Ավելի ուշ Մենյայլոն հայտնել է երկրորդ խոցված անօդաչու թռչող սարքի մասին։
Նման միջոցներ են ձեռնարկվել դեկտեմբերի 31-ի առավոտյան Կազանի օդանավակայանում, որը մի քանի ժամով դադարեցրել է աշխատանքը։ Անցած շաբաթ Կազանում երեք անգամ նման սահմանափակումներ են մտցվել։
Դեկտեմբերի 31-ի գիշերը ուկրաինական օդային և ծովային ԱԹՍ-ները գրոհել են Ռուսաստանի շրջանները և բռնակցված Ղրիմը։ Նրանց թիրախներից մեկը եղել է Սևաստոպոլը, հայտնել է Ռուսաստանի կողմից նշանակված շրջանի ղեկավար Միխայիլ Ռազվոժաևը։
Թարգմանությունը՝ Տաթև Ֆռանգյանի
