08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ռոսավիացիան խոստովանել է, որ ադրբեջանական օդանավի կործանումից առաջ Չեչնիայում ԱԹՍ-ների գրոհ են հետ մղել
Քաղաքականություն
27.12.2024 | 17:55
Azerbaijan Airlines-ի օդանավը չի կարողացել վայրէջք կատարել Չեչնիայի մայրաքաղաքում՝ «Գորգ» (փակ երկնքի) ռեժիմի պատճառով, որը սահմանվել էր Ուկրաինայի հարձակումների պատճառով, հայտարարել է Ռոսավիացիայի ղեկավար Դմիտրի Յադրովը, գրում է BBC-ի ռուսական ծառայությունը։
Ղազախստանի Ակտաու քաղաքում ավիավթարից առաջ Գրոզնիի օդանավակայանի տարածքում սահմանվել էր «Գորգ» ռեժիմ, որը պահանջում է բոլոր ինքնաթիռներից անհապաղ հեռանալ նշված տարածքից։ Ռեժիմը սահմանվել է «Գրոզնի և Վլադիկավկազ քաղաքների քաղաքացիական ենթակառուցվածքների վրա ուկրաինական անօդաչու թռչող սարքերի հարձակման պատճառով», ասվում է հայտարարության մեջ։
Ավելի վաղ ԶԼՄ-ները հայտնել էին Գրոզնիի վրա անօդաչու թռչող սարքի հարձակման մասին՝ «Azerbaijan Airlines»-ի չվերթի ժամանման պահին։ Ռուսաստանի իշխանություններն առաջին անգամ հաստատել են այս փաստը։
«Ռոսավիացիայի» ղեկավարը մեկնաբանության մեջ ոչինչ չի նշել այն վնասի մասին, որ ինքնաթիռը կարող էր ստանալ հակաօդային պաշտպանության համակարգի հարձակումը հետ մղելու հետևանքով։
Թարգմանությունը՝ Տաթև Ֆռանգյանի
