08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
Պանամայի նախագահը մտադիր չէ զիջել Թրամփին ջրանցքով անցնելու վճարների հարցում
Քաղաքականություն
27.12.2024 | 16:55
Պանամայի նախագահ Խոսե Ռաուլ Մուլինոն հայտարարել է, որ մտադիր չէ ԱՄՆ նորընտիր նախագահ Դոնալդ Թրամփի խնդրանքով նվազեցնել Պանամայի ջրանցքով անցնող ամերիկյան նավերի վճարը։
«Իմ պատասխանն է՝ ո՛չ։ Գները չեն սահմանվում նախագահների կամ ջրանցքի վարչակազմերի կամքով: Այն բաց, հրապարակային գործընթաց է»,- ասել է Մուլինոն, փոխանցում է EFE-ն:
Նա ասել է, որ պատրաստ կլինի Թրամփի հետ քննարկել անօրինական ներգաղթի դեմ պայքարը հունվարին նրա երդմնակալությունից հետո, սակայն ընդգծել է, որ Վաշինգտոնին չի հաջողվի վերահսկողություն հաստատել ջրանցքի վրա:
The New York Post-ը, վկայակոչելով իր աղբյուրները, գրել էր, որ Դոնալդ Թրամփը վճռական է՝ ձեռք բերել Գրենլանդիան և վերադարձնել Պանամայի ջրանցքը։ Ըստ պարբերականի՝ Վաշինգտոնի կողմից դանիական կղզու հիպոթետիկ գնումը կլինի ԱՄՆ-ի ամենամեծ տարածքային ձեռքբերումը։
Թարգմանությունը՝ Տաթև Ֆռանգյանի
