10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
Ղազախստանի բանակը թուրքական «Բայրաքթար» ԱԹՍ-ներ կստանա
Քաղաքականություն
26.12.2024 | 18:48
2024 թվականին Ղազախստանի բանակը կհամալրվի ավելի քան 100 մարտական մեքենայով և ինքնաթիռով, հայտնում է երկրի Պաշտպանության նախարարությունը։
Ղազախստանը նաև մտադիր է թուրքական «Բայրաքթար» անօդաչու սարքեր ստանալ։ Սկզբում նախատեսվում է բանակը զինել անօդաչու սարքերով, իսկ ավելի ուշ դրանց արտադրությունը սկսել Ղազախստանում։
Պաշտպանության նախարար Ռուսլան Ժակսիլիկովն անօդաչու թռչող սարքերի մատակարարման հարցը քննարկել է Baykar Defense ընկերության գործադիր տնօրեն Հալուկ Բայրաքթարի հետ։ Նրանք հանդիպել են Ստամբուլի Saha Expo-ում։ Ղազախստանի ռազմական պատվիրակությունն այցելել է նաև թուրքական «Հավելսան» (պաշտպանության ոլորտի էլեկտրոնային սարքավորումներ և ծրագրային ապահովում), «Ասելսան» (օդային, ցամաքային և ռազմածովային ուժերի արտադրանք) և «Տրանսվարո» զենքի գործարաններ։
Բանակցություններից հետո ստորագրվել է արձանագրություն, ըստ որի՝ Baykar-ը Ղազախստանին անվճար կտրամադրի Bayraktar Kalkan, Bayraktar Mini անօդաչու թռչող սարքերը և Mosquito-X թափառող զինամթերքը՝ ռազմական փորձարկման համար։ Չի նշվում, թե քանի սարքավորում է մատակարարվելու և ինչ ժամկետներում։
Թարգմանությունը՝ Տաթև Ֆռանգյանի
