25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Թրամփը հարկային արտոնություններ է խոստացել Կանադային, եթե «դառնա ԱՄՆ 51-րդ նահանգը»
Քաղաքականություն
26.12.2024 | 14:44
ԱՄՆ նորընտիր նախագահ Դոնալդ Թրամփը սուրբծննդյան ուղերձում Կանադային խոստացել է ավելի քան երկու անգամ կրճատել հարկերը, եթե այն միանա Միացյալ Նահանգներին, ինչպես նաև խոսել է Գրենլանդիայում ամերիկյան ներկայության մասին:
«Շնորհավոր բոլորի Սուրբ Ծնունդը, ներառյալ՝ Չինաստանի հրաշալի զինվորներին, որոնք սիրով, բայց անօրինական կերպով շահագործում են Պանամայի ջրանցքը (որտեղ 110 տարի առաջ մենք 38,000 մարդու կորցրեցինք դրա շինարարության համար)։ Նաև Կանադայի նահանգապետ Ջասթին Թրյուդոյին, այնտեղ հարկերը չափազանց բարձր են։ Բայց եթե Կանադան դառնա ԱՄՆ 51-րդ նահանգը, դրանք կկրճատվեն 60%-ով, նրանց բիզնեսը կկրկնապատկվի։ Նրանք նաև պաշտպանված կլինեն՝ ինչպես ոչ ոք»,- գրել է Թրամփը Truth Social սոցիալական ցանցում։
Քաղաքական գործիչը նաև շնորհավորել է Գրենլանդիայի ժողովրդին, «ովքեր ցանկանում են, որ ԱՄՆ-ն այնտեղ լինի»։
«Եվ մենք կլինենք»,- եզրափակել է Թրամփը։
Նոյեմբերի վերջին Դոնալդ Թրամփն առաջարկել էր 25 տոկոս մաքսատուրք սահմանել Կանադայից և Մեքսիկայից ապրանքների համար, եթե երկրները չլուծեն անօրինական միգրացիայի և թմրանյութերի մաքսանենգության խնդիրները։ Թրյուդոն հակաքայլեր է խոստացել և խոսել տեղական տնտեսական ճգնաժամի մասին։
Թարգմանությունը՝ Տաթև Ֆռանգյանի
