25.12.2024 | 22:59
Վթար Երևան-Երասխ ավտոճանապարհին․ կա տուժած
«Ամենաշիշկեքի» ավտոտնակներն առաջինն են քանդվում. Ավինյան․ ՏԵՍԱՆՅՈՒԹ
Հասարակություն
25.12.2024 | 18:15
«Երևանի Մաշտոցի 40 և 40Ա հասցեում իրականացրել ենք բակային հատվածի ամբողջական հիմնանորոգում, կառուցել ենք երկու նոր դաշտեր, երկու մեծ խաղահրապարակներ և որն ամենակարևորն է՝ այստեղ փորձարկել ենք նոր խաղասարքեր»,- լրագրողների հետ ճեպազրույցում ասաց Երևանի քաղաքապետ Տիգրան Ավինյանը։
Նրա խոսքով՝ արդեն շահագործման հանձնված բակերում, որոնք ներառում են բասկետբոլի ու ֆուտբոլի փոքրամասշտաբ դաշտեր, մարզական ու փոքրահասակների համար նախատեսված հրապարակներ, փորձարկվել են նոր որակի խաղասարքեր, որոնց օրինակը հետագայում կկիրառեն նաև այլ վարչական շրջանների բակերում։ Բակերի հիմնանորոգման համար ծախսվել է շուրջ 43 միլիոն դրամ։
Ճեպազրույցի ընթացքում քաղաքապետն անդրադարձավ նաև ավտոտնակների քանդմանը։
«Ավտոտնակների քանդումը մեզ համար ինքնանպատակ չէ, դրանք քանդվում են միայն այն պարագում, երբ խանգարում են բակային տարածքին, այստեղ նման խնդիր չենք ունեցել։ Այստեղ մեկ-երկու ավտոտնակ է մնացել, որոնք քանդման ենթակա են, սակայն դատական գործընթացների մեջ ենք։ «Ամենաշիշկեքի» ավտոտնակներն առաջինն են քանդվում, եթե դրա կարիքը կա»,- նշեց Ավինյանը։
Մանրամասները՝ տեսանյութում։
Արփի Հակոբյան
