08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՌԴ անվտանգության ուժերը խուզարկություններ են իրականացրել պաշտպանական երեք խոշոր ձեռնարկություններում
Քաղաքականություն
25.12.2024 | 22:45
ՌԴ Անվտանգության դաշնային ծառայության (ԱԴԾ) աշխատակիցները խուզարկություններ են անցկացրել ուկրաինական պատերազմի կարիքների համար սարքավորումներ մատակարարող երեք գործարանների ղեկավարների մոտ։ Նրանք կասկածվում են խոշոր չափերի խարդախության մեջ, փոխանցում է The Moscow Times-ը։
Խոսքը 811 միլիոն ռուբլու պետական պաշտպանական պատվերի կատարման ժամանակ խարդախության վերաբերյալ քրեական գործի մասին է, ՏԱՍՍ-ին հայտնել են Ռոստովի մարզի անվտանգության դաշնային ծառայության տնօրինությունից։
Խուզարկություններ են իրականացվել երեք գործարաններում՝ Դոնի Ռոստովում գտնվող «10 ГПЗ»-ում, Սերգիև Պոսադում գտնվող «ОК-Лоза»-ում և «ГПЗ-2 Тверь»-ում։
Անվտանգության ուժերն այցելել են ձեռնարկությունների ռազմական առաքելություններ և սպասարկող կազմակերպությունների, ինչպես նաև գործարանների ղեկավարության և նրանց հարազատների հասցեներով։
«Խուզարկություններն իրականացվել են նախկինում հարուցված քրեական գործի շրջանակում՝ «10 ГПЗ»-ի պաշտոնատար անձանց նկատմամբ՝ առանձնապես խոշոր չափերով պետական պաշտպանության պատվերից ստացված դրամական միջոցներ հափշտակելու դեպքի առթիվ։ Առաջին դրվագում վնասի չափը կազմել է 811 մլն ռուբլի»,- ասվում է հաղորդագրության մեջ։
Թարգմանությունը՝ Տաթև Ֆռանգյանի
