10.08.2026 | 16:09
Երբ պատգամավորն ասում է՝ ուզում եմ հայ զինվորը մեռնի, քննարկելի՞ է էթիկայի հանձնաժողովում․ Ռուբինյան. ՏԵՍԱՆՅՈՒԹ
Ազատ արձակված ընդդիմադիր Իլյա Յաշինի նկատմամբ ՌԴ-ում հետախուզում է հայտարարվել
Քաղաքականություն
25.12.2024 | 18:51
Ռուսաստանում հետախուզում է հայտարարվել ընդդիմադիր քաղաքական գործիչ Իլյա Յաշինի նկատմամբ, որն ազատ էր արձակվել Ռուսաստանի և արևմտյան երկրների միջև գերիների փոխանակման արդյունքում։ Այս մասին տեղեկությունը «Մեդիազոնա»-ն գտել է ՌԴ ՆԳՆ հետախուզման բազայում («օտարերկրյա գործակալների» ռեգիստրում):
Պարբերականի տեղեկություններով՝ քարտը տվյալների բազայում հայտնվել է դեկտեմբերի 25-ին։ Նոր քրեական գործի հարուցման մասին պաշտոնական հայտարարություն չի եղել։
Ինքը՝ Յաշինը (նաև հայտարարված է «օտարերկրյա գործակալ») լրատվականին տված մեկնաբանությունում ասել է, որ ոչինչ չգիտի Ռուսաստանում հալածանքների վերսկսման մասին։
«Երևում է՝ նրանք քրեական գործ են հարուցել, որպեսզի ինձ ձերբակալեն հենց օդանավակայանում, եթե որոշեմ վերադառնալ Ռուսաստան»,- Mediazona-ին պատասխանել է քաղաքական գործիչը։
2022 թվականի վերջին Իլյա Յաշինը «ռազմական կեղծիքների» գործով դատապարտվել էր 8,5 տարվա ազատազրկման։ Այս տարվա օգոստոսին նա մի քանի այլ քաղբանտարկյալների հետ ազատ էր արձակվել Ռուսաստանի և արևմտյան երկրների միջև գերիների փոխանակման արդյունքում։
Թարգմանությունը՝ Տաթև Ֆռանգյանի
