25.12.2024 | 22:59
Վթար Երևան-Երասխ ավտոճանապարհին․ կա տուժած
Հայաստանը մնում է ԱՊՀ-ի և ԵՏՄ-ի կարևոր մասնակից, դրանից դիվիդենտներ է ստանում. Պեսկով
Քաղաքականություն
25.12.2024 | 16:35
Հայաստանի աշխատանքն ԱՊՀ-ում երկուստեք շահավետ է՝ այն օգուտ է տալիս և՛ երկրին, և՛ միությանը։ Այսպես է պատասխանել ՌԴ նախագահի մամուլի քարտուղար Դմիտրի Պեսկովը կազմակերպությունում Երևանի դերի մասին հարցին՝ այլ ձևաչափերում աշխատելու դժվարությունների ֆոնին, փոխանցում է ՏԱՍՍ-ը։
«Մեր հայ գործընկերները դադարեցրել են իրենց մասնակցությունը ՀԱՊԿ-ին։ Այնուամենայնիվ, Հայաստանը դեռևս շատ կարևոր մասնակից է և՛ ԵՏՄ-ում, և՛ ԱՊՀ-ում։ Այս մասնակցությունից և՛ Հայաստանը, և՛ հայ ժողովուրդը մեծ դիվիդենտներ են ստանում։ Այնպես որ՝ սա երկկողմանի ճանապարհ է, դրանում շահագրգռված են և՛ ԱՊՀ-ն, և՛ մեր հայ գործընկերները»,- հայտարարել է Կրեմլի ներկայացուցիչը։
Թարգմանությունը՝ Էմմա Չոբանյանի
