08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Իրանը որոշել է ապարգելափակել WhatsApp-ը և Google Play-ը
Քաղաքականություն
25.12.2024 | 17:39
Իրանը հանել է երկրում սահմանված WhatsApp հավելվածի արգելքը։ Սահմանափակումները գործում էին ավելի քան երկու տարի։ Կապարգելափակվի նաև Google Play հավելվածը, գրում է IRNA գործակալությունը։
Որոշումն ընդունվել է Տեղեկատվական անվտանգության բարձրագույն խորհրդում ձայների մեծամասնությամբ։
Երկու ծառայություններն էլ Իրանում արգելափակվել են այն բանից հետո, երբ 2022 թվականի սեպտեմբերին երկրում բողոքի ցույցեր բռնկվեցին՝ կապված 22-ամյա Մահսա Ամինիի մահվան հետ։ Վերջինը ձերբակալվել էր բարոյականության ոստիկանության կողմից՝ հիջաբը սխալ կրելու մեղադրանքով։
Instagram-ը դեռևս անհասանելի է մնում Իրանում, ինչպես նաև Facebook-ը, X-ը և YouTube-ը՝ երեք հարթակներ, որոնք արգելվել են 2009 թվականին: TikTok-ը և Telegram-ը նույնպես չեն աշխատում Իսլամական Հանրապետությունում։
Իրանի նոր նախագահ Մասուդ Փեզեշքիանը խոստացել է թեթևացնել ինտերնետի սահմանափակումները։
Թարգմանությունը՝ Տաթև Ֆռանգյանի
