13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ղազախստանում ադրբեջանական օդանավի կործանումից հետո 27 մարդ հոսպիտալացվել է․ ինքնաթիռում Ադրբեջանի 37 քաղաքացի է եղել
Քաղաքականություն
25.12.2024 | 13:02
Ղազախստանի Ակտաու քաղաքում ադրբեջանական օդանավի կործանումից հետո 27 մարդ, այդ թվում՝ երեք երեխա, տեղափոխվել է հիվանդանոց, ՌԻԱ Նովոստիին հայտնել են Ղազախստանի ԱԻՆ օպերատիվ շտաբից։
Ավելի վաղ Ղազախստանի ԱԻՆ-ը հայտնել էր աղետից 25 մարդու փրկվելու մասին։
Ղազախստանի տրանսպորտի նախարարությունը հայտնել է, որ 67 անձ է եղել՝ 62 ուղևոր և անձնակազմի 5 անդամ։ Նախնական տեղեկություններով՝ նրանցից 37-ը Ադրբեջանի քաղաքացի են, 16-ը՝ ՌԴ-ի, 6-ը՝ Ղազախստանի և 3-ը՝ Ղրղզստանի։
Azerbaijan Airlines-ի Բաքու-Գրոզնի ինքնաթիռը կործանվել է չորեքշաբթի առավոտյան Ղազախստանի Ակտաու քաղաքի մերձակայքում։ Լրատվամիջոցների նախնական տեղեկություններով՝ պատճառը օդանավի և թռչունների երամի բախումն է եղել։
Թարգմանությունը՝ Տաթև Ֆռանգյանի
