08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ուկրաինայի Գլխավոր շտաբը հայտնել է ճակատում բարդ իրավիճակի մասին
Քաղաքականություն
25.12.2024 | 12:43
Իրավիճակը ճակատում շարունակում է մնալ ծանր. անցած 24 ժամվա ընթացքում գրանցվել է 266 ռազմական բախում։ Այս մասին դեկտեմբերի 25-ի առավոտյան հաղորդման մեջ հայտնել է Ուկրաինայի զինված ուժերի գլխավոր շտաբը, փոխանցում է Korrespondent-ը։
Հաղորդվում է, որ Խարկովի ուղղությամբ ՌԴ-ն հինգ անգամ հարձակում է իրականացրել Վոլչանսկի և Վիսոկայա Յարուգայի մոտ։ Կուպյանսկի ուղղությամբ մեկ օրում գրանցվել է 23 հարձակում։ Ուկրաինայի պաշտպանության ուժերը հակառակորդի նախահարձակ գործողությունները հետ են մղել Պետրովպավլովկայի, Կոլեսնիկովկայի, Զագրիզովոյեի և Լոզովայայի մոտակայքում։
Հաղորդվում է նաև այլ ուղղություններով բախումների մասին։
Նշվում է, որ գործողությունը շարունակվում է Ռուսաստանի Դաշնության Կուրսկի շրջանում, որտեղ վերջին 24 ժամվա ընթացքում 37 մարտական բախում է տեղի ունեցել ուկրաինացիների և ռուսների միջև։
Թարգմանությունը՝ Տաթև Ֆռանգյանի
