22.06.2026 | 21:14
Էկոնոմիկայի նախարարությունում քննարկվել են ազատ տնտեսական գոտիների գործունեության արդյունքները
Թուրքիան մտադիր է Սիրիայի հետ ծովային համաձայնագրի շուրջ բանակցություններ սկսել
Քաղաքականություն
24.12.2024 | 22:25
Անկարան ծրագրում է բանակցություններ սկսել Սիրիայի հետ՝ Միջերկրական ծովում ծովային սահմանները գծելու համար։ Այս մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն, գրում է Bloomberg-ը։
Նա նշել է, որ նման գործարքը երկու երկրներին թույլ կտա «մեծացնել իրենց ազդեցության տարածքը» էներգետիկ հետախուզման մեջ, և ցանկացած ապագա համաձայնագիր պետք է համապատասխանի միջազգային իրավունքին։
2019 թվականին Թուրքիայի և Լիբիայի միջև ստորագրված նմանատիպ ծովային համաձայնագիրն ուժեղացրել է լարվածությունը Անկարայի և Հունաստանի կառավարությունների միջև Միջերկրական ծովում էներգետիկ հետախուզման հարցով:
Թուրքիան դարձել է առանցքային երկրներից մեկը, որը հաստատում է իր ազդեցությունը Սիրիայում քաղաքական լանդշաֆտը փոխելու հարցում՝ այս ամսվա սկզբին նախկին նախագահ Բաշար Ասադի վարչակարգի տապալումից հետո: Այն ուժեղ խթաններ ունի՝ համագործակցելու Սիրիայի նոր կառավարիչների հետ, քանի որ Թուրքիան հյուրընկալում է մոտ 3 միլիոն սիրիացի միգրանտների, և թուրքական ընկերությունները հետպատերազմյան վերակառուցումից ցանկանում են օգուտներ քաղել։
Ուրալօղլուն ասել է, որ ծովային գործարքի շուրջ բանակցություններում առաջընթացը կպահանջի կայուն քաղաքական իշխանություն Սիրիայում։
Թարգմանությունը՝ Էմմա Չոբանյանի
