09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Ադրբեջանում ավելի քան 300 քաղբանտարկյալ կա․ ԱՄՆ դեսպանատունն արձագանքել է Բաքվի մեղադրանքներին
Քաղաքականություն
23.12.2024 | 23:19
Բաքվում ԱՄՆ դեսպանատունը պատասխանել է ադրբեջանական պետական AZTV հեռուստաալիքի «Həftə» («Շաբաթ») հաղորդաշարի հեղինակին, որը կրկին մեղադրել է ԱՄՆ-ին հակաադրբեջանական քաղաքականության մեջ՝ օգտագործելով ոչ դիվանագիտական արտահայտություններ։
«Վերջին ժամանակներս շատ են դպրոցական մակարդակի հայհոյանքները՝ ուղղված ամերիկյան հորինված սարսափ պատմությունների դեմ: Այս ամսվա գլխավոր հիթերը AZTV-ի Həftə հաղորդաշարի կողմից՝ «açıq shantaj» (բաց շանտաժ) և «namərdlik» արտահայտությունների տեսքով («անազնվություն») են։ Լավ փորձ է, սակայն դա ուշադրությունը չի շեղի այն փաստից, որ ավելի քան 300 քաղբանտարկյալներ Ադրբեջանում բանտարկված են ոչ համոզիչ մեղադրանքներով»,- մասնավորապես, ասվում է դեսպանատան հայտարարության մեջ։
Թարգմանությունը՝ Էմմա Չոբանյանի
