20.02.2026 | 16:02
Ժաննա Անդրեասյանը հանդիպել է դեսպան Ալեքսանդրա Քոուլին
YouTube-ի թրաֆիկը ՌԴ-ում նվազել է՝ հասնելով 20%-ի․ այն «դե ֆակտո արգելափակված է»
Քաղաքականություն
23.12.2024 | 21:49
YouTube վիդեոհոսթինգի թրաֆիկը Ռուսաստանում նվազել է նորմայից՝ հասնելով մինչև 20 տոկոսի։ Այս մասին ասվում է ՏՏ փորձագետ, «Ինտերնետ պաշտպանության հանրույթի» գործադիր տնօրեն Միխայիլ Կլիմարևի «ЗаТелеком» տելեգրամ ալիքում արված հրապարակման մեջ, նշում է Meduza-ն։
Կլիմարևը վերլուծել է տվյալները Google մոնիթորինգի ծառայության միջոցով։ Դրանց հիման վրա նա կազմել է YouTube-ի «դանդաղեցման» գրաֆիկ, որը ցույց է տալիս, որ վերջին օրերին տեսահոսթինգի հասանելիությունը զգալիորեն սահմանափակվել է։
«Ներկայում Google-ի մոնիթորինգի ծառայությունը ցույց է տալիս Ռուսաստանի Դաշնությունից թրաֆիկի 8,5 կետ: Մինչ «դանդաղեցումը» 40 միավոր էր։ Այսինքն՝ այժմ, նորմալ վիճակի համեմատ, մոտավորապես 20%-ն է։ YouTube-ը դե ֆակտո արգելափակված է Ռուսաստանի Դաշնությունում»,- ասվում է հայտարարության մեջ։
Ռուսաստանում YouTube-ի ընդհատումներ են նկատվում 2024 թվականի հուլիսից։ Հեռահաղորդակցության շուկայում Meduza-ի աղբյուրը դա կապել էր վիդեոհոսթինգի աշխատանքը դանդաղեցնելու ռուսական իշխանությունների որոշման հետ:
ՌԴ իշխանությունները Google-ին մեղադրել են վատ աշխատանքի համար, սակայն Google-ը հերքել է դա։
Թարգմանությունը՝ Էմմա Չոբանյանի
