Ռուսաստանի մահմեդականների հոգևոր վարչությունը թույլատրել է կրոնական բազմակնությունը

ՌԴ մահմեդականների հոգևոր վարչության ուլեմների (աստվածաբան գիտնականներ) խորհուրդը ՌԴ-ի մահմեդականներին թույլատրել է մինչև չորս կրոնական ամուսնություն կնքել ՝ բոլոր կանանց նկատմամբ ամուսնու արդար և հավասար վերաբերմունքի պայմանով, «ՌԻԱ Նովոստի»-ին հայտնել է ՌԴ Դումայի խորհրդի փոխնախագահ, Մոսկվայի մուֆթի Իլդար Ալյաուտդինովը:

«Որոշում է կայացվել տղամարդու կողմից միաժամանակ երկրորդ, երրորդ կամ նույնիսկ չորրորդ կրոնական ամուսնություն կնքելու հնարավորության մասին։ Դա թույլատրվում է, եթե առկա է կնոջ առողջական վիճակի, վերարտադրողական տարիքի ավարտի կամ, ասենք, կնոջ սեռական անհամատեղելիության և այլ օբյեկտիվ պատճառներով ծննդաբերելու անկարողություն։ Հաշվի է առնվում նաև այն դեպքը, երբ կողակիցը երեխաներ չի ցանկանում ունենալ», – ասել է Ալյաուտդինովը։

«Այն դրսևորվում է բոլոր կանանց համարժեք նյութական ապահովման, նրանցից յուրաքանչյուրին առանձին բնակարան տրամադրելու, ամուսնու և իր բոլոր կանանց հետ հավասար ժամանակ անցկացնելու մեջ ՝ նրանց հետ պայմանավորվածությամբ սահմանված հերթականությամբ։ Եթե այդ պայմանները չեն պահպանվում, ապա տղամարդուն չի թույլատրվում բազմակնություն», – հավելել է մուֆթին։ Ամուսնացած տղամարդը  պետք է իր կնոջը տեղեկացնի մեկ այլ կնոջ հետ նոր ամուսնություն կնքելու մտադրության մասին:

«Անթույլատրելի է թաքցնել կնոջ առկայությունը։ Եթե նա (երկրորդ կինը – խմբ.) տեղյակ չի պահվել այդ մասին և պատրաստ չէ համակերպվել դրա հետ, ապա իրավունք ունի պահանջել դադարեցնել իր նիկախը (պսակադրությունը Իսլամական նորմերով – խմբ.)», – հավելել է Ալյաուտդինովը։

Ամուսնացած տղամարդը ևս մեկ կրոնական ամուսնություն կնքելիս պարտավոր կլինի որդեգրել բոլոր երեխաներին, ինչպես նաև նոտարական կարգով կտակ ձևակերպել: