04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Բաքուն պատրաստվում է Ստեփանակերտում, այսպես կոչված, «Հաղթանակի զբոսայգի» կառուցել
20.12.2024 | 19:14
Ադրբեջանի իշխանությունները պատրաստվում են հայաթափված ու էթնիկ զտման ենթարկված Ստեփանակերտում, այսպես կոչված, «Հաղթանակի զբոսայգի» կառուցել։
Ադրբեջանական լրատվամիջոցները հայտնում են, որ այս առնչությամբ «Խանքենդիի, Աղդերի և Խոջալուի շրջանների վերակառուցման, շինարարության և կառավարման ծառայություն» հանրային իրավունքի իրավաբանական անձը ավարտել է նախապատրաստական աշխատանքները։ Կազմակերպությունը սկսում է քանդման աշխատանքներ քաղաքում այգի հիմնելու համար։
Նշվում է, որ իրավաբանական անձն այդ աշխատանքների իրականացումը վստահել է Şinkar Holding ՍՊԸ-ին և նրա հետ կնքել 2 մլն 994 հազար 837 մանաթի պայմանագիր։
Թարգմանությունը՝ Էմմա Չոբանյանի
