14.12.2025 | 18:20
Թաիլանդն ու Կամբոջան շարունակում են ռազմական գործողությունները
Էրդողանը հայտարարել է, թե ժամանակն է քուրդ զինյալներին Սիրիայից «արմատախիլ անելու»
Քաղաքականություն
20.12.2024 | 18:10
Թուրքիայի նախագահ Ռեջեփ Թայիփ Էրդողանը հայտարարել է, որ ժամանակն է ոչնչացնել «ահաբեկչական» խմբավորումներին, որոնք վտանգ են ներկայացնում Սիրիայի գոյության համար, մասնավորապես՝ Իսլամական պետությանը և քուրդ զինյալներին, գրում է Al Arabiya-ն՝ վկայակոչելով AFP-ին։
«Ժամանակն է չեզոքացնել Սիրիայում գոյություն ունեցող ահաբեկչական կազմակերպությունները»,- ասել է Էրդողանը Կահիերից վերադառնալիս ինքնաթիռում։
Թուրքիան «Սիրիայի դեմոկրատական ուժերը» (SDF) դիտում է որպես ահաբեկչական կազմակերպություն, քանի որ այնտեղ գերակշռում է YPG-ը՝ քրդական խմբավորում, որը, ըստ նրա, կապված է PKK-ի զինյալների հետ։ Սակայն ԱՄՆ-ի կողմից աջակցվող ուժը ղեկավարում էր Իսլամական պետության դեմ պայքարը Սիրիայում 2019 թվականին, ընդ որում SDF-ը Միացյալ Նահանգների կողմից դիտվում է որպես «կարևոր»՝ կանխելու ծայրահեղականների վերածնունդը տարածքում:
Էրդողանն ասել է, որ իր կառավարությունը «կանխարգելիչ միջոցներ» է ձեռնարկում Թուրքիայի համար վտանգ ներկայացնող խմբերի դեմ։
«Մեզ համար անհնար է ընդունել նման ռիսկը», – նշել է նա՝ հույս հայտնելով, որ Սիրիայի նոր առաջնորդները չեն ընտրի նրանց հետ աշխատելու տարբերակը։
«Մենք չենք կարծում, որ առաջիկայում որևէ ուժ կշարունակի աշխատել ահաբեկչական կազմակերպությունների հետ։ Այնպիսի ահաբեկչական կազմակերպությունների ղեկավարները, ինչպիսիք են ԴԱԻՇ-ը և PKK-YPG-ն… կջախջախվեն ամենակարճ ժամանակում»,-հայտարարել է Թուրքիայի նախագահը։
Թարգմանությունը՝ Էմմա Չոբանյանի
