30.04.2026 | 19:12
Ադրբեջանում Ուկրաինայի հարցով բանակցություններ անցկացնելու մասին դեռևս խոսք չկա. Պեսկով
Պուտինը պատմել է, թե համաշխարհային առաջնորդներից ում հետ կցանկանար թեյ խմել
Քաղաքականություն
19.12.2024 | 21:43
«Ողջ կամ արդեն մահացածներից ում հետ կցանկանայիք թեյ խմել»․նման հարցի է պատասխանել ՌԴ նախագահ Վլադիմիր Պուտինը իր ամենամյա մեծ ուղիղ եթերի ժամանակ՝ ամփոփելով անցնող 2024 թվականը, փոխանցում է BBC-ի ռուսական ծառայությունը։
Պուտինը պատասխանել է, որ կցանկանար ավելի շատ ժամանակ անցկացնել ընկերների և սիրելիների հետ: Որոշ ընկերներ, հավելել է նախագահը, պահպանվել են դեռ մանկուց։
Համաշխարհային առաջնորդներից, ովքեր արդեն մահացել են, Պուտինը կցանկանար ավելի շատ ժամանակ անցկացնել Գերմանիայի նախկին կանցլեր Հելմուտ Կոլի հետ։ Պուտինը հայտարարել է, որ նրանից շատ բան է սովորել, ինչպես և Ֆրանսիայի նախկին նախագահ Ժակ Շիրակից։
Շիրակը շատ հետաքրքիր մարդ էր՝ հանրագիտարանային գիտելիքներով ու հանճարեղ բարքերով, ավելացրել է նա։ Պուտինը հիշատակել է նաև Իտալիայի նախկին վարչապետ Սիլվիո Բեռլուսկոնիին , որը «շատ բան է արել ռուս-իտալական հարաբերությունների ամրապնդման համար»։
Թարգմանությունը՝ Տաթև Ֆռանգյանի
