14.12.2025 | 11:41
Ապարանի համայնքապետարանը՝ քամու պատճառած վնասների մասին
Հրաձգություն Աբխազիայի խորհրդարանի շենքում. պատգամավորներից մեկը սպանվել է, մյուսը՝ վիրավորվել
Քաղաքականություն
19.12.2024 | 17:07
Աբխազիայի ինքնահռչակ հանրապետության խորհրդարանի շենքում հրաձգություն է տեղի ունեցել։ Հրաձգության հետևանքով վիրավորված երկու պատգամավորներից մեկը՝ Վախթանգի Գոլանձիան, ստացած վնասվածքներից մահացել է։ Այս մասին հայտնում է Sputnik Աբխազիան՝ հղում անելով հանրապետության առողջապահության նախարարությանը։
Apsnypress-ը, հղում անելով նաև Առողջապահության նախարարությանը, գրում է, որ երկրորդ վիրավոր պատգամավորը՝ Կան Կվարչիան, վիրավորվել է ձեռքից և հանրապետական հիվանդանոցում ստանում է անհրաժեշտ բոլոր օգնությունը։
Աբխազիայի ՆԳՆ մամուլի ծառայությունից RBC-ին հայտնել են, որ կրակոցների մեջ կասկածվողը պատգամավորը Ադգուր Խարազիան է։
Ինչպես պարզաբանում է Sputnik-ը, 65-ամյա Խարազիան 1993-2002 թվականներին եղել է Գուլրիփշի շրջանի վարչակազմի ղեկավար, 2002-2003 թվականներին զբաղեցրել է գյուղատնտեսության նախարարի պաշտոնը։ 2014 թվականի հոկտեմբերին նշանակվել է Սուխումի վարչակազմի ղեկավար։ Նա պատգամավոր է ընտրվել 2007, 2012 և 2022 թվականներին։
2020 թվականի դեկտեմբերին Խարազիան Սուխումում հրաձգության միջադեպի ժամանակ կրակել էր տղամարդու ոտքին։ Այն ժամանակ նա կալանավորվել էր, և երկու քրեական գործ էր հարուցվել՝ դիտավորությամբ առողջությանը ծանր վնաս պատճառելու և զենքի ապօրինի շրջանառության հոդվածներով։
Թարգմանությունը՝ Տաթև Ֆռանգյանի
