08.10.2026 | 15:25
Գրականության ոլորտում Նոբելյան մրցանակը շնորհվել է կանադացի հեղինակի
«Կոնկրետ ժամկետ չեմ նշի»․Պուտինը՝ Կուրսկի նկատմամբ վերահսկողությունը վերականգնելու մասին
Քաղաքականություն
19.12.2024 | 16:31
Իր ամենամյա մեծ ասուլիսի ժամանակ ՌԴ նախագահ Վալդիմիր Պուտինն անդրադարձել է հարցին, թե «երբ կազատագրվի ՌԴ Կուրսկի մարզը»։ Նրան այս հարցը հեռախոսով ուղղել է մարզի մի բնակչուհի։
«Կոնկրետ ժամկետ չեմ նշի», – պատասխանել է Պուտինը, բայց խոստացել է, որ դա անպայման տեղի կունենա։ «Ա– անպայման դուրս կմղեն, Բ– դրանից հետո հնարավոր կլինի գնահատել վնասը, և որ ամենակարևորը Գ– ամեն ինչ կվերականգնվի»,– ասել է նախագահը։ Դրա համար արդեն 108 միլիարդ ռուբլի է հատկացվել, վարչակազմը կաշխատի բոլոր տոներին»,-ասել է նա։
Պուտինը նաև հույս է հայտնել, որ շրջանի նոր ղեկավար Ալեքսանդր Խինշտեյնը անհատական աշխատանք կիրականացնի բնակիչների հետ։
Կուրսկի և Բելգորոդի մարզերում մարդիկ պարբերաբար բողոքում են, որ բնակարանային վկայականներ չեն տրվում, և որ դժվար է փոխհատուցում ստանալ։
Խոստումները, թե «ամեն ինչ կվերականգնվի, և բոլորը գոհ կլինեն», դեռևս բավականին դատարկ խոսքեր են թվում, գրում է BBC-ն։ Լրատվամիջոցը հետաքննել է, թե ով և ինչպես է փոխհատուցում ստանում։ Ստացվում է, որ դա ստանալու համար պետք է հաղթահարել բազմաթիվ բյուրոկրատական խոչընդոտներ, հաճախ էլ ամեն ինչ ավարտվում է մերժումով։
Թարգմանությունը՝ Տաթև Ֆռանգյանի
