08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ուզբեկստանում 22-ամյա ուսանողը պայմանական ազատազրկման է դատապարտվել ՌԴ-ի կողմից Ուկրաինայի դեմ պատերազմին մասնակցելու համար
Քաղաքականություն
19.12.2024 | 11:57
Ուզբեկստանում Կուշտեպա շրջանի 22-ամյա բնակիչը վարձկանության գործով (Քրեական օրենսգրքի 154-րդ հոդվածի 1-ին մաս) դատապարտվել է հինգ տարվա պայմանական ազատազրկման Ռուսաստանի կողմից Ուկրաինայի դեմ պատերազմին մասնակցելու համար։ Այս մասին հայտնում է Kun.uz-ը՝։
Մեղադրյալի անունը չի նշվում, հրապարակվել են միայն նրա անվան սկզբնատառերը՝ Ա.Խ.։ Դատարանում նա ասել է, որ 2021 թվականին ընդունվել է Մոսկվայի մասնավոր համալսարան, իսկ 2023 թվականի ամռանը փաստաթղթեր չունենալու պատճառով բերման է ենթարկվել և տարվել ոստիկանություն։
«Այնտեղ ինձ ասացին, որ ինձ կարտաքսեն Ռուսաստանից, քրեական գործ կհարուցեն, և ինձ այլընտրանք առաջարկեցին՝ բանակ գնալ, ինչի համար ինձ խոստացան Ռուսաստանի քաղաքացիություն տալ։ Ես ինքնակամ համաձայնեցի»,– մեջբերում է պարբերականը նրա խոսքերը։
Օգոստոսին, ոստիկանության կողմից հանձնված ծանուցմամբ, նա գնացել է հավաքագրման գրասենյակ, որտեղ պայմանագիր է կնքել ՊՆ-ի հետ։ Դրանից հետո, ըստ նրա, ուղարկվել է Տոլյատի քաղաքի զորամաս, իսկ մեկուկես ամիս զորավարժությունից հետո՝ 2023 թվականի հոկտեմբերի 10-ին, ուղարկվել ռազմաճակատ։
Թարգմանությունը՝ Տաթև Ֆռանգյանի
