01.05.2026 | 22:34
Գյումրիում այրվել է ավտոմեքենա
Եվրախորհրդարանի պատգմավորները ակցիա են իրականացրել ի աջակցություն՝ Ադրբեջանում կալանավորված լրագրողների ու ակտիվիստների․ՏԵՍԱՆՅՈՒԹ
Քաղաքականություն
18.12.2024 | 23:29
Եվրախորհրդարանի մի խումբ պատգամավորներ նախօրեին ակցիա են անցկացրել՝ ի պաշտպանություն Ադրբեջանում կալանավորված լրագրողների ու ակտիվիստների։
Ադրբեջանական լրատվամիջոցների հաղորդմամբ՝ տարբեր քաղաքական խմբերի պատգամավորները կոչ են արել դադարեցնել Ադրբեջանում քաղաքացիական հասարակության և անկախ լրատվամիջոցների նկատմամբ բռնաճնշումները:
Դեկտեմբերի 18-ին էլ Եվրախորհրդարանի լիագումար նիստի շրջանակում քննարկումներ են անցկացվելու «Ադրբեջանում քաղաքացիական հասարակության և անկախ լրատվամիջոցների դեմ շարունակվող բռնաճնշումները, Գուբադ Իբադօղլուի, Անար Մամեդլիի, Քայմրան Մամեդլիի, Ռուֆաթ Սաֆարովի և Meydan TV-ի դեմ գործերը» թեմայով։ Քննարկումների արդյունքներով դեկտեմբերի 19-ին քվեարկության կդրվի որոշման նախագիծը։
Հավելենք, որ այս տարվա ապրիլի 25-ին և հոկտեմբերի 24-ին Եվրախորհրդարանը բանաձևեր է ընդունել՝ կոչ անելով Ադրբեջանի իշխանություններին ազատ արձակել քաղբանտարկյալներին։ Միաժամանակ պատգամավորները կոչ են արել ԵՄ-ին պատժամիջոցներ սահմանել ադրբեջանցի պաշտոնյաների նկատմամբ, որոնք խախտում են մարդու իրավունքները։
Թարգմանությունը՝ Էմմա Չոբանյանի
