07.11.2026 | 18:50
Երևանը չի մասնակցի Մոսկվայում կայանալիք ՀԱՊԿ նիստին. ըստ Փաշինյանի` մասնակցությունը կարող է սխալ տպավորություն թողնել
Բնակավայրի գրավում և այլ առաջադրանքներ․ Ադրբեջանում զինապարտների հերթական հավաքներն են անցկացվել
Քաղաքականություն
17.12.2024 | 23:30
Ադրբեջանում 2024 թվականի ուսումնական պլանի համաձայն՝ Զորահավաքի և զորակոչի պետական ծառայության հետ համատեղ միջոցառումների շրջանակում զորամասերում անցկացվել են հերթական ուսումնամարզական հավաքները մի խումբ զինապարտների մասնակցությամբ, գրում է ադրբեջանական լրատվամիջոցները։
Ադրբեջանի ՊՆ-ի հաղորդմամբ՝ հավաքների ընթացքում կատարվել են տարբեր թեմաներով առաջադրանքներ։ Զինապարտները հանձնել են ֆիզիկական պատրաստվածության չափորոշիչները, անցկացվել են ձեռնամարտի տեխնիկայի յուրացման, ինչպես նաև առանց զենքի ինքնապաշտպանության տեխնիկայի ու առաջին օգնության ցուցաբերման դասընթացներ։
Հավաքների ընթացքում նրանց սովորեցրել են մարտավարական և տեխնիկական բնութագրերի, ադրբեջանական բանակի զինանոցում առկա ժամանակակից սպառազինության և ռազմական տեխնիկայի օգտագործման կանոնների և զորավարժությունների տարրերի վերաբերյալ:
Հաղորդվում է նաև, որ կոմանդոս զորամասներում զինապարտների հետ անցկացվել են մարտավարական և հատուկ պատրաստության դասընթացներ, որի ընթացքում կատարվել են պայմանական հակառակորդի օբյեկտին մոտենալու, բնակեցված տարածք գրավելու և այլ առաջադրանքներ։
Թարգմանությունը՝ Էմմա Չոբանյանի
