27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Նյու Յորքի դատարանը հաստատել է Թրամփի մեղավորությունը գործերից մեկով
Քաղաքականություն
17.12.2024 | 12:24
Նյու Յորքի դատարանը հրաժարվել է չեղարկել երդվյալ ատենակալների դատավճիռը, որը ԱՄՆ նորընտիր նախագահ Դոնալդ Թրամփին մեղավոր է ճանաչել 2016 թվականի նախագահական արշավի ընթացքում նախընտրական ֆոնդերի ծախսերի մասին գրառումները կեղծելու համար, գրում է Financial Times-ը։
Դատավոր Խուան Մերչանը մերժել է Թրամփի փաստաբանների այն փաստարկները, որ Գերագույն դատարանի որոշումը, որ նախագահն ունի անձեռնմխելիություն պաշտոնական կարգավիճակով գործելու համար, նախկին նախագահին ազատում է պատասխանատվությունից:
Թրամփի փաստաբանները պնդում էին, որ անձեռնմխելիության որոշումը պետք է տարածվի նաև կաշառք վերցնելու գործի վրա։
Մեղադրող կողմը պնդել է, որ հանցագործությունները, որոնցում մեղադրում են Թրամփին, կատարվել են նախքան նախագահ ընտրվելը։
«Թրամփը, ամենայն հավանականությամբ, կբողոքարկի վճիռը և իր դեմ հարուցված քրեական գործերը կանվանի քաղաքական դրդապատճառներով վհուկների որս»,- ասվում է հրապարակման մեջ։
Ավելի վաղ CNN-ը հայտնել էր, որ ԱՄՆ հատուկ դատախազ Ջեք Սմիթը բանակցություններ է վարում Արդարադատության նախարարության ղեկավարության հետ՝ Դոնալդ Թրամփի նկատմամբ հետապնդումը դադարեցնելու համար։
Թարգմանությունը՝ Տաթև Ֆռանգյանի
