27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Սիրիայում Թուրքիայի կողմից աջակցվող ուժերը ձախողել են ԱՄՆ միջնորդությամբ հրադադարը քրդերի հետ
Քաղաքականություն
17.12.2024 | 16:42
ԱՄՆ-ի կողմից աջակցվող սիրիական քրդական ուժերը (SDF) հայտարարել են, որ ԱՄՆ-ի միջնորդությամբ իրականացվող միջնորդական ջանքերը չեն կարողացել հանգեցնել Սիրիայում Թուրքիայի կողմից աջակցվող ապստամբների հետ հյուսիսային Մանբիջ և Քոբանի քաղաքներում մշտական հրադադարի։ Այս մասին հայտարարել է SDF-ի մեդիա կենտրոնի ղեկավար Ֆարհադ Շամին, գրում է Arab news-ը։
Շամին միջնորդության ձախողման համար մեղադրել է «միջնորդական ջանքերի նկատմամբ Թուրքիայի մոտեցման և առանցքային դրույթների ընդունումից խուսափելու մեջ»։
Reuters-ին սիրիական ընդդիմության աղբյուրը հայտնել է, որ թուրքերը գոհ չէին հրադադարից, և որ Թուրքիան նախընտրում է առավելագույն ճնշում գործադրել SDF-ի վրա։
Անցյալ շաբաթ SDF-ն հայտարարել էր, որ Թուրքիայի կողմից աջակցվող ապստամբների հետ Մանբիջում հրադադարի համաձայնություն են ձեռք բերել ԱՄՆ-ի միջնորդությամբ՝ «ապահովելու խաղաղ բնակիչների անվտանգությունը»:
Թարգմանությունը՝ Էմմա Չոբանյանի
