08.10.2026 | 17:43
Առուշանյանը ՔՊ կուսակցության անդամ չէ և չի պատրաստվում դառնալ․ Արմեն Խաչատրյան․ ՏԵՍԱՆՅՈՒԹ
Սիրիայի Մանբիջում թուրքամետ խմբավորումներն ու ԱՄՆ-ի կողմից աջակցվող քրդերը հրադադարի համաձայնության են հասել
Քաղաքականություն
11.12.2024 | 12:09
ԱՄՆ-ի կողմից աջակցվող սիրիական քրդական ուժերը (SDF) և Թուրքիայի կողմից աջակցվող սիրիական խմբավորումը ԱՄՆ-ի միջնորդությամբ հյուսիսային Մանբիջ քաղաքում հրադադարի համաձայնություն են ձեռք բերել՝ «ապահովելու խաղաղ բնակիչների անվտանգությունն ու ապահովությունը»։ Այս մասին հայտարարել է SDF-ի հրամանատար Մազլում Աբդին, գրում է Al Arabiya-ն՝ վկայակոչելով Reuters-ին։
«Մանբիջի ռազմական խորհրդի մարտիկները, որոնք նոյեմբերի 27-ից դիմադրում են հարձակումներին, հնարավորինս շուտ դուրս կբերվեն տարածքից»,- հավելել է Աբդին։
Սա տեղի է ունենում այն ժամանակ, երբ ԱՄՆ պետքարտուղար Էնթոնի Բլինքենը պատրաստվում է այս շաբաթ մեկնել Թուրքիա՝ բանակցություններ վարելու Սիրիայի և ԱՄՆ-ի աջակցությունը վայելող քրդերի և Անկարայի միջև պատերազմը դադարեցնելու հնարավոր գործարքի համար, հայտնել են ծրագրերին ծանոթ պաշտոնյաները:
Եվ սա տեղի է ունենում մի քանի ժամ անց այն բանից հետո, երբ ԱՄՆ-ի գլխավոր գեներալը, որը պատասխանատու է Մերձավոր Արևելքի համար, հանդիպել է ամերիկյան զորքերի և ԱՄՆ-ի կողմից աջակցվող սիրիական քրդական ուժերի (SDF) հետ։
«Գեներալ Էրիկ Կուրիլան առաջին ձեռքից գնահատական է ստացել ուժային պաշտպանության միջոցների, արագ զարգացող իրավիճակի և ԻԼԻՊ-ի կողմից ներկայիս իրավիճակի շահագործումը կանխելու շարունակական ջանքերի վերաբերյալ»,- ասվում է ամերիկյան կողմի հայտարարության մեջ:
Թարգմանությունը՝ Էմմա Չոբանյանի
