08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
Իսրայելը և ՀԱՄԱՍ-ը կարող են պայմանավորվել պատանդների վերաբերյալ մինչև դեկտեմբերի վերջ
Քաղաքականություն
17.12.2024 | 12:49
Պաղեստինյան ՀԱՄԱՍ խմբավորումը և Իսրայելի իշխանությունները կարող են պայմանավորվածություն ձեռք բերել պատանդների ազատ արձակման շուրջ մինչև այս ամսվա վերջ, հայտնում է Սաուդյան Արաբիայի Al Hadath հեռուստաալիքը՝ հղում անելով իր աղբյուրներին։
Իսրայելական Ynet պորտալն իր հերթին մանրամասնում է, որ ներկայում քննարկվում է պատանդների թիվը, ովքեր կարող են ազատ արձակվել։
Al Hadath-ի փոխանցմամբ՝ առաջիկա օրերին տեղի կունենա Իսրայելի և Եգիպտոսի պաշտոնյաների հանդիպումը՝ Գազայի հատվածում իրավիճակի շուրջ համաձայնագրի հետ կապված մի քանի հարցերի լուծման համար։ Երկու կետ մնում է չլուծված, դրանց մանրամասները չեն հաղորդվում։
Սուրբ Ծննդին մոտ մի քանի օրով հրադադար է սպասվում պատանդների առաջին խմբի ազատումից հետո։ Հեռուստաալիքի աղբյուրները պնդում են, որ համաձայնեցված է իսրայելցի կին բանտարկյալների ցուցակը, որոնք կարող են առաջինն ազատ արձակվել։
Ynet-ը հաստատել է, որ կողմերը նպատակ ունեն համաձայնության գալ դեկտեմբերին։ Ըստ պորտալի աղբյուրի՝ «համաձայնագրի բոլոր մանրամասներն արդեն պարզ են», սակայն հիմնական վեճը վերաբերում է պատանդների թվին, որոնք ազատ կարձակվեն առաջին փուլում։
Նշվում է, որ ՀԱՄԱՍ-ը համաձայնել է ազատ արձակել առևանգվածներից մի քանիսին, մինչդեռ Իսրայելը պահանջում է նրանց թիվը գրեթե կրկնապատկել:
Թարգմանությունը՝ Տաթև Ֆռանգյանի
