06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Թրամփը Սիրիայում ապստամբների հաղթանակն անվանել է «Թուրքիայի կողմից ոչ բարեկամական գրավում»
Քաղաքականություն
17.12.2024 | 11:48
ԱՄՆ նորընտիր նախագահ Դոնալդ Թրամփն ապստամբների կողմից Սիրիայի նախագահ Բաշար Ասադի պաշտոնանկությունը որակել է որպես «ոչ բարեկամական գրավում» Միացյալ Նահանգների դաշնակից Թուրքիայի կողմից, գրում է AFP-ը։
«Ես կարծում եմ՝ Թուրքիան շատ խելացի է։ Թուրքիան ոչ բարեկամական գրավում է (զավթում) արել՝ առանց շատ կյանքերի կորստի։ Ես կարող եմ ասել է, որ Ասադը դահիճ էր, ինչեր է նա արել երեխաների հետ»,- ասել է Թրամփը։
Լրատվամիջոցը նշում է, որ 2011 թվականին բռնկված հակաասադական ապստամբության առաջին օրերից Թուրքիան դիտվում է որպես ընդդիմության հիմնական աջակիցը։ Անկարան հյուրընկալել է քաղաքական ընդդիմությանը, միլիոնավոր փախստականների, ինչպես նաև աջակցել բանակի դեմ պայքարող ապստամբ խմբերին:
«Թուրքիան, ի դեպ, մեծ ուժ է, և Էրդողանն այն մարդն է, ում հետ ես շատ լավ եմ շփվել։ Բայց նա ունի մեծ ռազմական ուժ, և նրան պատերազմը չի մաշել։ Նա կառուցել է շատ ուժեղ, հզոր բանակ»,- հայտարարել է Թրամփը։
Թարգմանությունը՝ Էմմա Չոբանյանի
