08.10.2026 | 19:27
Լավագույն բուհերում սովորողներին տարկետում կտրվի մինչև 32 տարեկանը
Կրեմլը Ուկրաինայում խաղաղապահների տեղակայման մասին խոսակցությունները վաղաժամ է անվանել
Քաղաքականություն
16.12.2024 | 17:07
ՌԴ նախագահի խոսնակ Դմիտրի Պեսկովը հայտարարել է, որ վաղաժամ է խոսել ուկրաինական տարածքում խաղաղապահների տեղակայման մասին։ Նա սա պարզաբանել է այն հանգամանքով, որ Կիևը հրաժարվում է բանակցություններից, գրում է Կոմերսանտը:
«Այս պահին բանակցությունների մասին խոսք չկա։ Միաժամանակ, նախագահ Պուտինը բազմիցս ասել է, որ դրանք կարող են վերսկսվել Ստամբուլի հայտնի պայմանավորվածությունների հիման վրա։ Դրանք համաձայնեցվել են, բայց հետո ուկրաինական կողմը լքել է բանակցությունների սեղանը։ Ակնհայտ է, որ վաղաժամ է խոսել մնացած ամեն ինչի, այն է՝ խաղաղապահների մասին»,- ասել է Դմիտրի Պեսկովը։
Դեկտեմբերի 13-ին Politico-ն հայտնել էր, որ եվրոպական կառավարությունները մտադիր են հանդիպել Ուկրաինայի նախագահ Վլադիմիր Զելենսկիի և ՆԱՏՕ-ի գլխավոր քարտուղար Մարկ Ռյուտեի հետ՝ քննարկելու Ուկրաինայում խաղաղապահներ տեղակայելու տարբերակը։ Պարբերականի աղբյուրների պնդմամբ՝ հանդիպումը տեղի է ունեցել ԱՄՆ նորընտիր նախագահ Դոնալդ Թրամփի ճնշման ներքո։
Թարգմանությունը՝ Տաթև Ֆռանգյանի
