10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Կալլասը հայտնել է Վրաստանի դեմ պատժամիջոցների և առանց վիզայի ռեժիմի սահմանափակման քննարկման մասին
Քաղաքականություն
16.12.2024 | 14:44
Իրադարձությունները, որոնք մենք հիմա տեսնում ենք Վրաստանում, չեն գնում այն ուղղությամբ, որով պետք է գնան թեկնածու երկրի գործողությունները։ Այս մասին հայտարարել է ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասը Եվրամիության արտաքին հարաբերությունների խորհրդի նիստից առաջ լրագրողների հետ զրույցում, փոխանցում է Գրուզիա օնլայնը։
Նրա խոսքով՝ Վրաստանի հարցով այսօրվա հանդիպմանը կքննարկվեն պատժամիջոցներն ու սահմանափակումներն այս երկրի հետ առանց վիզայի ռեժիմի վերաբերյալ։
«Մենք մտադիր ենք դիտարկել, թե ինչ հետևանքներ կլինեն վրացական իշխանությունների կողմից ընդդիմության նկատմամբ բռնաճնշումների կիրառումից, ինչպես նաև այնտեղ կիրառվող բոլոր գործիքներից հետո։ Ի՞նչ կարող ենք անել Եվրոպայի կողմից։ Առաջին հարցը, իհարկե, պատժամիջոցներն են, իսկ երկրորդը՝ առանց վիզայի ռեժիմի սահմանափակումը»,- նշել է Կալլասը։
Թարգմանությունը՝ Տաթև Ֆռանգյանի
