04.04.2026 | 20:03
ՃՏՊ՝ հրդեհի բռնկմամբ
Մայոտ արշիպելագում փոթորկի հետևանքով զոհերի թիվը կարող է հազարների հասնել․ ՏԵՍԱՆՅՈՒԹ
Քաղաքականություն
16.12.2024 | 14:03
Հնդկական օվկիանոսում գտնվող ֆրանսիական Մայոտ արշիպելագին, որի բնակչությունը կազմում է ավելի քան 320 հազար մարդ, հարվածել է «Շիդո» ավերիչ փոթորիկը։ Տարերային աղետի զոհերի թիվը կարող է հասնել հարյուրների կամ նույնիսկ հազարների, հայտարարել է շրջանի պրեֆեկտ Ֆրանսուա-Քսավյե Բյևիլը, փոխանցում է Reuters-ը։
«Հնարավոր է՝ կմոտենանք հազարին, եթե ոչ մի քանի հազարի»,- ասել է պաշտոնյան։
Միաժամանակ, դեկտեմբերի 15-ի երեկոյի դրությամբ՝ փոթորկի հետևանքով մահացածների հաստատված թիվը 14-ն է, հաղորդվում է ավելի քան 250 վիրավորի մասին։
Սրանք Մայոտի կենտրոնական հիվանդանոցի տվյալներն են, սակայն աղետի հետևանքով ոչ բոլոր տուժածներին են այնտեղ ընդունում։ Շատ շրջանների հետ ներկայում կապ չկա։ Բացի այդ, զոհերի թվի հաշվարը դժվարանում է նաև մահացածներին 24 ժամվա ընթացքում թաղելու մահմեդական ավանդույթի պատճառով։ Մայոտի բնակիչների մեծամասնությունը մահմեդական է։
Ավերիչ փոթորկի հետևանքով ավերվել է արշիպելագի գրեթե բոլոր խարխուլ և ոչ ամուր կառուցված բնակարանները։ Իշխանությունների տվյալներով՝ նման տներում ապրում է շուրջ 100 հազար մարդ։ Մտավախություն կա, որ նրանցից շատերը կարող էին զոհվել։
Թարգմանությունը՝ Տաթև Ֆռանգյանի
