03.10.2026 | 22:08
Հայաստանի հավաքականը ժամանել է Պոդգորիցա
Արաբական երկրների և Թուրքիայի ԱԳ նախարարները կհավաքվեն Հորդանանում՝ քննարկելու Սիրիայում ճգնաժամը
Քաղաքականություն
13.12.2024 | 19:44
Արաբական երկրների և Թուրքիայի արտգործնախարարները շաբաթ Հորդանանում միջազգային հանդիպում կանցկացնեն՝ քննարկելու Սիրիայում տեղի ունեցող զարգացումները։ Հանդիպմանը կմասնակցեն նաև Եվրամիության և ՄԱԿ-ի ներկայացուցիչներ՝ կենտրոնանալով մարդասիրական և քաղաքական լուծումների վրա, գրում է Turkiye today-ը։
Այս հանդիպումը Սիրիայի ճգնաժամի կարգավորման ավելի լայն նախաձեռնության մի մասն է, որը գլխավորում է Արաբական լիգան և աջակցվում Հորդանանի դիվանագիտական ջանքերով: Այն համախմբում է հիմնական տարածաշրջանային և միջազգային շահագրգիռ կողմերին՝ լուծելու Սիրիայում առկա մարտահրավերները:
Նախաձեռնության մասնակիցներն Արաբական նախարարների կապի կոմիտեի անդամներն են՝ Հորդանան, Սաուդյան Արաբիա, Իրաք, Լիբանան, Եգիպտոս և Արաբական լիգայի գլխավոր քարտուղար, արաբական այլ երկրներից՝ ԱՄԷ-ի, Բահրեյնի, Կատարի ԱԳ նախարարները, միջազգային հյուրերի թվում են Թուրքիայի արտգործնախարարը, ԵՄ բարձր ներկայացուցիչը, Սիրիայի հարցով ՄԱԿ-ի բանագնաց Գեյր Պեդերսենը։
Թարգմանությունը՝ Էմմա Չոբանյանի
