09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Զինված հարձակում թուրքական Բուրսայի դատարանի շենքում․ զոհեր և վիրավորներ կան․ ՏԵՍԱՆՅՈՒԹ
Քաղաքականություն
13.12.2024 | 16:33
Թուրքիայի Բուրսա քաղաքում դատարանի դահլիճում զինված հարձակում է տեղի ունեցել։ Թուրքական DHA-ի հաղորդմամբ՝ միջադեպը տեղի է ունեցել ժամը 11:00-ի սահմաններում՝ Ուլույոլում գտնվող Բուրսայի արդարադատության պալատում։
Բուրսայի 6-րդ բարձր քրեական դատարանում լսումների ժամանակ գործով տուժողի հայրը կրակ է բացել երկու ամբաստանյալների ուղղությամբ։ Դատարանի դահլիճում խուճապ է առաջացել, միջամտել են ժանդարմերիայի և ոստիկանության ծառայողները, դատարանի շենքի մոտ են ուղարկվել բազմաթիվ շտապօգնության մեքենաներ և ուժային խմբեր, մարդկանց տարհանել են շենքից։
Նախնական տվյալներով՝ հարձակման հետևանքով զոհվել է 2 մարդ, ևս 2-ը՝ վիրավորվել։ Զոհվածներն ամբաստանյալներն են, վիրավորները՝ ժանդարմերիայի աշխատակիցները, որոնց տեղափոխել են հիվանդանոց։
Թարգմանությունը՝ Էմմա Չոբանյանի
