07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
«Վրացական երազանքն» անջատել է նախագահի նստավայրի ջեռուցումը․ Խազարաձե
Քաղաքականություն
13.12.2024 | 17:52
«Վրացական երազանքը» որոշել է «վրեժ» լուծել նախագահից․ նախագահական նստավայրի ջեռուցումն անջատվել է, Pirveli հեռուստաալիքի եթերում հայտարարել է «Ուժեղ Վրաստան» կոալիցիայի առաջնորդ Մամուկա Խազարաձեն, փոխանցում է Գրուզիա օնլայնը։
Խազարաձեի խոսքով՝ նախագահական պալատում միայն երկու սենյակ է ջեռուցվում։
«Նախագահը տաքանում է էլեկտրական տաքացուցիչներով՝ ինչպես 1990-ականներին»,- ասել է Խազարաձեն։
Հիշեցնենք, որ Վրաստանում չեն դադարում ԵՄ կողմնակիցների բողոքի ցույցերն ընդդեմ «Վրացական երազանք» կուսակցության, որը որոշել է մինչև 2028 թվականը հետաձգել ԵՄ-ին անդամակցության բանակցությունները։ Այսօր երկրում նախատեսված են մեկ տասնյակից ավելի բողոքի ցույցեր։ Ցուցարարներին միացել են նաև պետական հատվածի աշխատակիցները։
Թարգմանությունը՝ Տաթև Ֆռանգյանի
