10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
Բլինքենը հայտարարել է, որ ԱՄՆ-ի և Թուրքիայի միջև ընդհանուր համաձայնության կա Սիրիայում կարգավորման շուրջ
Քաղաքականություն
13.12.2024 | 16:07
ԱՄՆ պետքարտուղար Էնթոնի Բլինքենն Անկարայում Թուրքիայի ԱԳ նախարար Հաքան Ֆիդանի հետ ասուլիսում հայտարարել է, որ «հրամայական» է՝ աշխատել Սիրիայում «Իսլամական պետություն» խմբավորման վերածննդի դեմ Բաշար Ասադի տապալումից հետո, գրում է France 24-ը։
«Մեր երկրները քրտնաջան աշխատել են և շատ բան են տվել երկար տարիների ընթացքում՝ ապահովելու ԻԼԻՊ-ի տարածքային խալիֆայության վերացումը, ապահովելու, որ այդ սպառնալիքն այլևս չբարձրանա, և հրամայական է, որ մենք շարունակենք այդ ջանքերը»,- ասել է Բլինքենը։
Նա նաև հայտարարել է, որ ընդհանուր համաձայնություն կա, թե ինչ կցանկանային տեսնել Թուրքիան և Միացյալ Նահանգները Սիրիայում Ասադի տապալումից հետո՝ սկսած կառավարության ձևավորումից, որը կլիներ ներառական և աշխարհիկ։ Ըստ ԱՄՆ պետքարտուղարի՝ Սիրիայի ապագա կառավարության աշխատանքը պետք է ուղղված լինի, մասնավորապես, կանանց, ինչպես նաև էթնիկ և կրոնական փոքրամասնությունների իրավունքների պաշտպանությանը։
Թուրքիայի ԱԳ նախարար Հաքան Ֆիդանն իր հերթին հայտնել է, որ ամերիկացի գործընկերոջ հետ քննարկել են, թե ինչ կարող են անել Թուրքիան, ԱՄՆ-ը և տարածաշրջանային դերակատարները այնպիսի հարցերի շուրջ, ինչպիսիք են Սիրիայի ժողովրդի բարեկեցությունը, երկրի միասնությունը, ամբողջականությունը և ինքնիշխանությունը, փոխանցում է TRT Haber-ը։
«Մեր առաջնահերթությունները ներառում են Սիրիայում հնարավորինս արագ կայունության ապահովումը, ահաբեկչությանը կանխումը և այնտեղ ԻԼԻՊ-ի ու PKK-ի գերակայությունը թույլ չտալը»,- նշել է Ֆիդանը։
Նա հայտնել է, որ ԱՄՆ-ից գործընկերոջ հետ քննարկել են նաև Գազայի հարցը․ «Մենք պայմանավորվեցինք Գազայի հետ կապված հնարավորինս շուտ հրադադար հաստատելու վերաբերյալ»:
Թարգմանությունը՝ Էմմա Չոբանյանի
