08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինայի իշխանությունները հաղորդում են էներգետիկ օբյեկտների վրա ռուսական զանգվածային հարձակման մասին
Քաղաքականություն
13.12.2024 | 14:53
Ռուսական զորքերը զանգվածային հարձակում են իրականացրել Ուկրաինայի վրա։ Ուկրաինայի բոլոր շրջաններում ավիահարվածի տագնապ է հայտարարվել, փոխանցում է Current Time-ը։
Ուկրաինայի ռազմաօդային ուժերը հայտարարել են անօդաչու թռչող սարքերի և հրթիռների, այդ թվում՝ «Կինժալ» գերձայնային հրթիռի արձակման մասին։ «ՌԲԿ Ուկրաինա»-ն գրում է, որ հրթիռներն արձակվել են, այդ թվում՝ Տու-95MC ռմբակոծիչներից, գրոհին մասնակցել է նաև ՄիԳ-31Կ կործանիչը, որը «Կինժալ» հրթիռ կրող է։
Պայթյուններ են գրանցվել Կիևում, Օդեսայում, Լվովում, Չերկասիում, Խմելնիցկիում, Խարկովում, Իվանո-Ֆրանկովսկում և այլ շրջաններում։
Ուկրաինայի էներգետիկայի նախարար Գերման Գալուշչենկոն հայտարարել է, որ էներգետիկ օբյեկտները գտնվում են ռուսական բանակի զանգվածային հարձակման տակ։
«Էներգետիկները ձեռնարկում են բոլոր անհրաժեշտ միջոցները՝ էներգետիկ համակարգի համար բացասական հետևանքները նվազագույնի հասցնելու համար»,- գրել է նա ֆեյսբուքյան իր էջում։
Թարգմանությունը՝ Տաթև Ֆռանգյանի
