27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Մոլդովայի խորհրդարանը երկրում արտակարգ դրություն է հայտարարել Էներգետիկ ճգնաժամի պատճառով
Քաղաքականություն
13.12.2024 | 12:34
Մոլդովան արտակարգ դրություն է հայտարարել՝ Ուկրաինայի տարածքով ռուսական գազի տարանցման հնարավոր դադարեցման հետ կապված իրավիճակի պատճառով։ Բանաձևն ընդունվել է խորհրդարանի կողմից՝ վարչապետ Դորին Ռեյսիանի նախաձեռնությամբ։ Որոշմանը կողմ է քվեարկել 101 պատգամավորներից 56-ը, հաղորդում է մոլդովական ProTV հեռուստաալիքը։
Երկրում արտակարգ դրություն է մտցվել երկամսյա ժամկետով։
Միջոցառումն ուղղված է կայունության ապահովմանը և բնակչության համար հնարավոր բացասական հետևանքների կանխմանը՝ հաջորդ տարվա սկզբից Ուկրաինայի տարածքով գազի տարանցման դադարեցման դեպքում, ինչը կարող է հանգեցնել հումանիտար ճգնաժամի։ Ավելի վաղ նման հեռանկարը չէր բացառել Մոլդովայի փոխվարչապետ Օլեգ Սերեբրյանը։
Նոյեմբերի 25-ին Սանկտ Պետերբուրգում տեղի են ունեցել ռուս-մոլդովական բանակցությունները։ Հանդիպմանը քննարկվել է մատակարարման նոր ուղու հարցը, որը կարող է անցնել Թուրքիայի տարածքով:
Թարգմանությունը՝ Տաթև Ֆռանգյանի
