15.12.2025 | 22:00
Գարեգին Բ-ի՝ գործակալ լինելու մասին պնդման հետքերով. ինչ է ասում դատախազությունը. ՏԵՍԱՆՅՈՒԹ
ԱՄՆ-ն Ուկրաինային 500 մլն դոլարի ռազմական օգնություն կտրամադրի
Քաղաքականություն
13.12.2024 | 13:24
ԱՄՆ-ն Ուկրաինային 500 միլիոն դոլարի ռազմական օգնության նոր փաթեթ կփոխանցի։ Այս մասին ասվում է ԱՄՆ պետքարտուղար Էնթնոի Բլինքենի հայտարարության մեջ, գրում է DW-ի ռուսական ծառայությունը։
«Միացյալ Նահանգները մեր ուկրաինացի գործընկերներին տրամադրում է շտապ անհրաժեշտ զենքի և տեխնիկայի ևս մեկ զգալի փաթեթ, քանի որ նրանք պաշտպանվում են ռուսական շարունակվող հարձակումներից»,- ասել է Բլինքենը։
Նշվում է, որ օգնությունը տրամադրվելու է ԱՄՆ ռազմական պահուստներից։
Ի թիվս այլ բաների՝ Վաշինգտոնը Կիևին է փոխանցելու HIMARS MLRS-ի համար զինամթերք, հրետանային զինամթերք, անօդաչու թռչող սարքեր, զրահատեխնիկա և սարքավորումներ քիմիական, կենսաբանական, ճառագայթային և միջուկային հարձակումներից պաշտպանվելու համար:
Ավելի վաղ Time ամսագրի հետ զրույցում ԱՄՆ նորընտիր նախագահ Դոնալդ Թրամփն ասել էր, որ իր համար դժվար կլինի Ուկրաինայի դեմ Ռուսաստանի պատերազմն ավարտել 24 ժամում, ինչպես խոստացել էր անել ընտրությունների քարոզարշավի ժամանակ։
«Մերձավոր Արևելքը խնդիր է, որն ավելի հեշտ է լուծել, քան այն, ինչ տեղի է ունենում Ռուսաստանի և Ուկրաինայի հետ»,-ասել է նա։
Թեև Թրամփը քննադատել է Ջո Բայդենի վարչակազմի քաղաքականությունը Ուկրաինայի հարցում, նա առաջարկել է օգտագործել Կիևին օգնությունը որպես Կրեմլի վրա ճնշում գործադրելու լծակ:
«Ես ցանկանում եմ համաձայնության հասնել և համաձայնության հասնելու միակ միջոցը դրանից չհրաժարվելն է։ Այն ինչ կատարվում է, խելագարություն է»,- ասել է նա՝ նշելով, որ այս պատերազմում զոհերի թիվը շատ մեծ է։
Թարգմանությունը՝ Էմմա Չոբանյանի
