15.01.2025 | 11:41
Բաթումիում հարձակման է ենթարկվել Վրաստանի նախկին վարչապետ Գիորգի Գախարիան
ԱՄՆ-ը վիզային սահմանափակումներ է մտցրել Վրաստանի 20 քաղաքացու նկատմամբ
Քաղաքականություն
13.12.2024 | 12:09
ԱՄՆ-ը վիզային սահմանափակումներ է մտցրել վրաց պաշտոնյաների, օրենսդիրների և իրավապահների համար՝ երկրում «ժողովրդավարությունը խարխլելու» համար, հայտնել է ԱՄՆ Պետքարտուղարությունը։
«Պետքարտուղարությունը, որպես վիզաների չեղարկման քաղաքականության մաս, արգելել է վիզաների տրամադրումը Վրաստանում ժողովրդավարության խաթարման համար պատասխանատու կամ դրանում ներգրավված անձանց: Ներկայիս գործողությունը կտարածվի մոտավորապես 20 անձի վրա, այդ թվում՝ նախարարների, խորհրդարանի պաշտոնյաների, իրավապահ մարմիններում սպաների և անվտանգության աշխատակիցների»,- ասվում է գերատեսչության հայտարարության մեջ։
Միաժամանակ, Վաշինգտոնը դատապարտում է ցուցարարների, իրավապաշտպանների, ընդդիմության ներկայացուցիչների և լրագրողների նկատմամբ բռնությունները։
ԱՄՆ-ը նաև լրացուցիչ գործողություններ է նախապատրաստում, այդ թվում՝ պատժամիջոցներ, պատասխանատվության ենթարկելու նրանց, ովքեր խարխլում են Վրաստանում ժողովրդավարությունը։
Թարգմանությունը՝ Տաթև Ֆռանգյանի
