19.07.2026 | 13:01
Մեքենան ընկել է Հրազդան գետը․ փրկարարները դուրս են բերել վարորդի մարմինը
Մոսկվան կգործադրի բոլոր ջանքերը՝ եռակողմ պայմանավորվածությունները կյանքի կոչելու համար․ ՌԴ ԱԳ փոխնախարար
Քաղաքականություն
13.12.2024 | 11:53
Ռուսաստանն անում է և անելու է հնարավոր ամեն ինչ, որպեսզի ՌԴ-ի, Ադրբեջանի և Հայաստանի միջև պայմանավորվածությունները կյանքի կոչվեն։ Այս մասին հայտարարել է ՌԴ ԱԳ փոխնախարար Միխայիլ Գալուզինը Մոսկվակում Հեյդար Ալիևի հիշատակին նվիրված միջոցառման ժամանակ, գրում են ադրբեջանական լրատվամիջոցները։
Գալուզինն ընդգծել է Ռուսաստանի, Ադրբեջանի և Հայաստանի ղեկավարների միջև 2020-2023 թվականներին ձեռք բերված եռակողմ պայմանավորվածությունների կարևորությունը։
«Մոսկվան մնում է Ադրբեջանի և Հայաստանի միջև խաղաղության հաստատման, խաղաղության պայմանագրի կնքման և Հարավային Կովկասում բոլոր տնտեսական և տրանսպորտային կապերի ապաշրջափակման կողմնակիցը։ Մենք նաև հանդես ենք գալիս ադրբեջանա-հայկական սահմանի շուտափույթ սահմանազատման ու սահմագծման, ինչպես նաև Բաքվի ու Երևանի միջև նոր հիմքերի վրա կապերի համակողմանի զարգացման օգտին»,- հայտարարել է Գալուզինը։
Թարգմանությունը՝ Էմմա Չոբանյանի
