10.01.2025 | 23:14
ՊԵԿ նախագահն ընդունել է Հնդկաստանի դեսպանին
ՌԴ-ն համոզել է Ասադին փախչել Սիրիայից․ փախուստը կազմակերպել է ռուսական հետախուզությունը. Bloomberg
Քաղաքականություն
11.12.2024 | 18:19
ՌԴ իշխանությունները համոզել են Սիրիայի նախկին նախագահ Բաշար Ասադին, որ նա պատերազմում կպարտվի «Հայաթ Թահրիր ալ-Շամ»-ի իսլամիստների գլխավորած զինված խմբավորումներին և նրան առաջարկել են ապահով տարհանում, եթե անմիջապես հեռանա Սիրիայից: Այս մասին հայտնում է Bloomberg-ը՝ վկայակոչելով երեք աղբյուրների, փոխանցում է Meduza-ն։
Լրատվամիջոցի երկու զրուցակիցներն ասել են, որ Ասադի փախուստը կազմակերպել են ռուսական հետախուզության աշխատակիցները։ Ըստ նրանց՝ հետախուզության աշխատակիցներն Ասադին դուրս են բերել՝ օգտագործելով Սիրիայում ռուսական ավիաբազան։
Միաժամանակ, ըստ հրապարակման, ՌԴ նախագահ Վլադիմիր Պուտինը պահանջել է բացատրել, թե ինչու ռուսական հատուկ ծառայությունները չեն նկատել Ասադի ռեժիմի համար աճող սպառնալիքը, քանի դեռ շատ ուշ չի եղել։ Այս մասին ասել է Կրեմլին մոտ կանգնած աղբյուրը:
Bloomberg-ը նշում է, որ ի սկզբանե Սիրիայում ռուսական զորքերը հարվածներ են հասցրել սիրիական զինված խմբավորումներին՝ փորձելով հետ մղել նրանց և ուժեղացնել Ասադի ուժերը։ Բայց քանի որ սիրիական կառավարական զորքերը շատ դիմադրություն են չեն ցուցաբերել, և խմբավորումները, գրավելով Հալեպն ու Համան, սկսել են առաջ շարժվել դեպի ռազմավարական նշանակության Հոմս քաղաք, Ռուսաստանը հանգել է եզրակացության, որ չի կարող պաշտպանել Ասադի ռեժիմին:
ՌԴ նախագահի մամուլի քարտուղար Դմիտրի Պեսկովը չի արձագանքել գործակալության՝ մեկնաբանություն տալու խնդրանքին։
Թարգմանությունը՝ Էմմա Չոբանյանի
