09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Ամբողջ Աբխազիան հոսանքազրկվել է՝ միակ ՀԷԿ-ի աշխատանքի դադարեցման պատճառով
Քաղաքականություն
11.12.2024 | 18:44
Էլեկտրաէներգիայի մատակարարումն ամբողջ Աբխազիայում դադարեցվել է՝ Ինգուրի հիդրոէլեկտրակայանի վթարային անջատման պատճառով, ՏԱՍՍ-ին հայտնել են Չեռնոմորէներգո ընկերության մամուլի ծառայությունից։
Հանրապետության միակ հիդրոէլեկտրակայանում վթարային անջատում է տեղի ունեցել ջրամբարում ջրի կրիտիկական մակարդակի և անբավարար ներհոսքի պատճառով։
Դեկտեմբերի 9-ից երկրի բոլոր մարզերում էլեկտրաէներգիայի մատակարարման սահմանափակումներ են մտցվել։ Ժամը 7:00-21:00-ը հոսանքի մատակարարումն իրականացվել է երկու անգամ՝ 2 ժամ 20 րոպեով, գիշերային հոսանքազրկումներ չեն եղել։
Սահմանափակումները մտցվել են Ինգուրի հիդրոէլեկտրակայանի լիակատար անջատումից խուսափելու համար։ Աբխազիայի արևմտյան հատվածը և մայրաքաղաք Սուխումը հիմնականում էլեկտրաէներգիա են ստանում Ռուսաստանից հոսքերի շնորհիվ, արևելյան մասը՝ Ինգուրի հիդրոէլեկտրակայանից։
Հիշեցնենք, որ Աբխազիայում հակառուսական բողոքի ցույցերից հետո ՌԴ-ն դադարեցրել է հանրապետության քաղաքացիների սոցվճարումները, ինչպես նաև արգելել է երկրից մանդարինի ներմուծումը։
Աբխազիայի վարչապետի պաշտոնակատար Վալերի Բգանբան ավելի վաղ դիմել էր ՌԴ վարչապետ Միխայիլ Միշուստինին՝ հանրապետությունում սոցիալական վճարումները վերականգնելու խնդրանքով, սակայն ՌԴ արտգործնախարար Սերգեյ Լավրովը հայտարարել է, որ վճարումները դադարեցվել են՝ «պարտավորությունների հավասարակշռությունը պահպանելու համար»։
Թարգմանությունը՝ Տաթև Ֆռանգյանի
