14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Թուրքիայի ԱԳՆ-ն դատապարտել է Իսրայելի ներխուժումը Սիրիա
Քաղաքականություն
10.12.2024 | 18:52
Թուրքիայի ԱԳՆ-ն խստորեն դատապարտում է Իսրայելի մուտքը անվտանգության գոտի և առաջխաղացումը դեպի սիրիական տարածք։
«Մենք խստորեն դատապարտում ենք Իսրայելի կողմից 1974 թվականի Անջատման համաձայնագրի խախտումը՝ մուտքը Իսրայել-Սիրիա անվտանգության գոտի և շարունակական առաջխաղացումը դեպի սիրիական տարածք։ Այս զգայուն ժամանակաշրջանում, երբ հնարավոր է հասնել այն խաղաղությանն ու կայունությանը, որը երկար տարիներ տենչում էր սիրիացի ժողովուրդը, Իսրայելը կրկին ցուցադրում է իր օկուպացիոն քաղաքականությունը»,- ասվում է Թուրքիայի ԱԳՆ հայտարարության մեջ։
Նշվում է, որ Անկարան վճռականորեն վերահաստատում է իր աջակցությունը Սիրիայի ինքնիշխանությանը, քաղաքական միասնությանը և տարածքային ամբողջականությանը։
Հավելենք, որ ավելի վաղ միջազգային լրատվամիջոցները հայտնել էին, որ Իսրայելի ռազմական ներխուժումը դեպի հարավային Սիրիա հասել է մայրաքաղաք Դամասկոսից մոտավորապես 25 կմ (16 մղոն) հարավ-արևմուտք: Սիրիական անվտանգության աղբյուրը հայտնել էր, որ իսրայելական զորքերը հասել են Քաթանա, որը գտնվում է սիրիական տարածքից 10 կմ դեպի արևելք ապառազմականացված գոտուց, որը բաժանում է Իսրայելի կողմից օկուպացված Գոլանի բարձունքները Սիրիայից:
Թարգմանությունը՝ Էմմա Չոբանյանի
