10.08.2026 | 21:34
Գյումրիի տներից մեկում հրդեհ է բռնկվել
Տեղեկություններ են հայտնվել ՌԴ-ի կողմից Սումիի շրջանում Ուկրաինայի սահմանը ճեղքելու մասին․ ուկրաինական կողմը հերքում է
Քաղաքականություն
10.12.2024 | 15:26
Այսօր համացանցում տեղեկություններ են տարածվել այն մասին, թե ռուսական բանակը ճեղքել է Ուկրաինայի սահմանը Սումիի շրջանում։ Սակայն ՌԲԿ-Ուկրաինան, հղում կատարելով Սումիի շրջանի ռազմական վարչակազմին, հայտնել է, որ սահմանին իրավիճակը դեռևս վերահսկելի է, ճեղքման մասին որևէ հաստատում չկա։
«Ներկայում բանակից տվյալներ չկան սահմանին իրավիճակի փոփոխության մասին, իրավիճակը վերահսկելի է»,- ասել է Սումիի շրջանային ռազմական վարչակազմի ղեկավար Վլադիմիր Արտյուխը։
Ամառվա սկզբից Ռուսաստանն ուժեղացրել է իր գնդակոծությունները Սումիի շրջանի տարածքի վրա, այդ պատճառով մի շարք բնակավայրերում որոշում է կայացվել բնակիչների հարկադիր տարհանում իրականացնել։
Մասնավորապես, ըստ Ուկրաինայի ՆԳՆ ղեկավար Իգոր Կլիմենկոյի, առաջնահերթ տարհանման է ենթակա Սումիի շրջանի 183 բնակավայր։
Թարգմանությունը՝ Տաթև Ֆռանգյանի
