22.06.2026 | 22:57
Հրդեհ Վիլնյուսի փողոցի շենքերից մեկում․ այրվել է ննջասենյակը՝ գույքով
Սիրիայի ապստամբների առաջնորդը խոստացել է հետապնդել նախկին պաշտոնյաներին՝ խոշտանգումների և ռազմական հանցագործությունների համար
Քաղաքականություն
10.12.2024 | 20:27
Սիրիայի իսլամիստ ապստամբների առաջնորդը խոստացել է հետապնդել նախկին բարձրաստիճան պաշտոնյաներին, որոնք պատասխանատու են խոշտանգումների և ռազմական հանցագործությունների համար՝ նախագահ Բաշար ալ-Ասադի պաշտոնանկությունից հետո իշխանության փոխանցման շուրջ բանակցություններ սկսելուց մեկ օր անց, գրում է France 24-ը։
«Մենք չենք վարանի պատասխանատվության ենթարկել հանցագործներին, մարդասպաններին, անվտանգության և բանակի սպաներին, որոնք ներգրավված են սիրիացի ժողովրդին խոշտանգելու մեջ»,- ասել է ապստամբների առաջնորդ Աբու Մուհամմեդ ալ-Ջոլանին, որն այժմ օգտագործում է իր իրական անունը՝ Ահմեդ ալ-Շարաա։
Նա հավելել է, որ ապագա իշխանությունները կհրապարակեն խոշտանգումների մեջ մեղադրվող նախկին բարձրաստիճան պաշտոնյաների ցուցակը։
«Մենք պարգևներ կառաջարկենք բոլորին, որոնք տեղեկություններ կտրամադրեն ռազմական հանցագործությունների մեջ ներգրավված բանակի և անվտանգության բարձրաստիճան սպաների մասին»,- ասել է նա՝ հավելելով, որ հաջորդ իշխանությունները կձգտեն վերադարձնել արտասահման փախած պաշտոնյաներին:
Թարգմանությունը՝ Էմմա Չոբանյանի
