15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Իսրայելն ավելի քան 250 հարված է հասցրել Սիրիայում ռազմական օբյեկտներին, այդ թվում՝ ամենամեծ ավիաբազաներին․ ՏԵՍԱՆՅՈՒԹ
Քաղաքականություն
10.12.2024 | 14:23
Իսրայելի ռազմաօդային ուժերը Սիրիայում ավելի քան 250 հարված են հասցրել ռազմական օբյեկտներին, հայտնում է բանակային Galei IDF ռադիոկայանը՝ վկայակոչելով իր աղբյուրին։ Տեղական ԶԼՄ-ների տվյալներով՝ պայթյուններ են լսվել, այդ թվում՝ Դամասկոսում։
Հարվածները հասցվել են ռազմակայաններին, օդային-հրթիռային համալիրներին, արտադրամասերին և հրթիռային պահեստներին, պարզաբանել է իսրայելական բանակը։
Հարձակման մասին հայտնել է նաև Մեծ Բրիտանիայում տեղակայված Մարդու իրավունքների սիրիական դիտորդական կենտրոնը (SOHR): Ըստ այդմ՝ Իսրայելը վերջին 48 ժամվա ընթացքում շուրջ 250 ավիահարված է հասցրել Սիրիայի տարածքում՝ Ասադի տապալված ռեժիմի ռազմական ներուժը ոչնչացնելու նպատակով։
«Իսրայելը ոչնչացրել է առանցքային ռազմական օբյեկտները Սիրիայում, այդ թվում՝ սիրիական օդանավակայանները և դրանց պահեստները, ավիացիոն էսկադրիլիաները, ռադարները, ռազմական կապի կայանները և բազմաթիվ զենքի ու զինամթերքի պահեստներ Սիրիայի նահանգների մեծ մասի տարբեր վայրերում», – գրում է AFP-ն։
Հաղորդվում է, որ Լաթաքիայի մոտ իսրայելցի զինվորականները հարձակվել են հակաօդային պաշտպանության օբյեկտի վրա և վնասել սիրիական ռազմածովային ուժերի նավերը։ Դամասկոսում և դրա շրջակայքում իսրայելական ինքնաթիռները հարվածել են ռազմական օբյեկտներին, հետազոտական կենտրոններին և ռադիոէլեկտրոնային պայքարի միջոցներին։
Սիրիական անվտանգության ուժերում The Times of Israel-ի աղբյուրների համաձայն՝ առնվազն երեք խոշոր սիրիական ռազմաօդային բազաներ հայտնվել են իսրայելական հարձակման տակ՝ երկրի հյուսիս-արևելքում, Հոմս նահանգում և Դամասկոսի հարավ-արևմուտքում: Ըստ սիրիական լրատվամիջոցների՝ թիրախների թվում է եղել նաև հետազոտական կենտրոնը, որը, ենթադրաբար, կապված է քիմիական զենքի արտադրության հետ:
Թարգմանությունը՝ Տաթև Ֆռանգյանի
