26.05.2026 | 13:27
Հարի Քեյնը կարժանանա «Ոսկե խաղակոշիկին»․ անգլիացու բոլոր գոլերը՝ մեկ տեսաշարով․ ՏԵՍԱՆՅՈՒԹ
Բաքուն հիմա էլ խաղաղության «խոչընդոտներից» է համարում Հռոմի ստատուտին ՀՀ-ի միանալը
Քաղաքականություն
10.12.2024 | 11:40
Բաքուն «Ադրբեջանի և Հայաստանի միջև խաղաղության համաձայնագրի հիմնական խոչընդոտները» թեմայով համաժողով է կազմակերպել, որի ընթացքում երկրի ԱԳ փոխնախարար Էլնուր Մամեդովը ներկայացրել է Ադրբեջանի քարոզչական թեզերը։ Նա հայտարարել է, թե Հայաստանի և Ադրբեջանի միջև կայուն խաղաղության հասնելու երկու հիմնական խոչընդոտ կա, որոնցից մեկը Հայաստանի Սահմանադրությունն է։
«Մենք համակողմանի քննարկումներ ենք ունեցել։ Դրանք տեղի են ունեցել ԱՄՆ-ում, Ռուսաստանում և Ղազախստանում։ Այս քննարկումների ընթացքում մենք փորձել ենք խաղաղության համաձայնագիր մշակել։ Հայաստանի և Ադրբեջանի միջև կայուն խաղաղության հասնելու երկու հիմնական խոչընդոտ կա։ Դրանցից մեկը Հայաստանի Սահմանադրության մեջ է, որն արտացոլված է նաև Հայաստանի Անկախության հռչակագրում։ Այնտեղ հիմք է ընդունված «Ղարաբաղը Հայաստանի մաս է» կետը։ Երկրորդ խոչընդոտն այն է, որ բանակցային սեղանի շուրջ հայկական պատվիրակության անդամները խոսում են տարբեր դիրքերից։ Խոչընդոտներից մեկն էլ Հայաստանի՝ Հռոմի ստատուտին միանալն է»,- հայտարարել է Մամեդովը։
Թարգմանությունը՝ Էմմա Չոբանյանի
