11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Բլինքենն ու Ֆիդանը Սիրիայում վերջին զարգացումները, իշխանության խաղաղ փոխանցման հարցն են քննարկել
Քաղաքականություն
10.12.2024 | 12:25
ԱՄՆ պետքարտուղար Էնթոնի Բլինքենը հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ Սիրիայում վերջին զարգացումների վերաբերյալ։ ԱՄՆ Պետքարտուղարության հաղորդմամբ՝ Բլինքենը քննարկել է իշխանության խաղաղ անցման անհրաժեշտությունը՝ ներառական, ՄԱԿ-ի Անվտանգության խորհրդի 2254 բանաձևի ոգով:
«Պետքարտուղար Բլինքենն ընդգծել է Սիրիայում ԻԼԻՊ-ի (D-ISIS) դեմ պայքարի գլոբալ կոալիցիայի առաքելությունը շարունակելու անհրաժեշտությունը և ապահովելու խաղաղ բնակչության, այդ թվում՝ խոցելի խմբերի ներկայացուցիչների և քաղաքացիական ենթակառուցվածքների պաշտպանությունն ամբողջ երկրում: Պետքարտուղար Բլինքենը կրկնել է Սիրիայում բոլոր դերակատարների կողմից մարդու իրավունքները հարգելու և միջազգային մարդասիրական իրավունքի պահպանման անհրաժեշտությունը»,- ասվում է հաղորդագրության մեջ։
Բլինքենը նաև ցավակցություն է հայտնել Թուրքիայի Իսպարտա նահանգում ուղղաթիռի վթարի հետևանքով թուրք զինծառայողների մահվան կապակցությամբ։
Թուրքական լրատվամիջոցներն էլ, ԱԳՆ-ում աղբյուրներին վկայակոչելով, հայտնում են, որ Ֆիդանը Բլինքենին ասել է, որ «Թուրքիան երբեք թույլ չի տա ահաբեկչական կազմակերպություններին օգտվել Սիրիայում ստեղծված իրավիճակից»։ Ֆիդանըն ընդգծել է նաև Սիրիայի տարածքային ամբողջականության և քաղաքական միասնության կարևորությունը։
Թուրքիայի ԱԳ նախարարը նաև խոսել է միջազգային հանրության կողմից սիրիացի ժողովրդին աջակցելու անհրաժեշտության մասին՝ վերականգնելու վաղուց լքված ենթակառուցվածքները և ընդգծել, որ կարևոր է ջանքեր գործադրել՝ ապահովելու մարդասիրական օգնության անխափան մատակարարումը Սիրիա։
Թարգմանությունը՝ Էմմա Չոբանյանի
